શ્રીપાળીયા દેવ-કમાલપુર(સા.)તા.રાધનપુર જી.પાટણ
મારા નિવાસ સામે અંદાજે ૭૦૦ વરસ જૂની જગ્યા છે જે પાળિયાદેવ નામથી ઓળખાય છે.
જુના વખતમાં કોઈ બેન દીકરીની લાજ લૂંટાતી બચાવવા કે ગાયોને વારે ચડેલા વીરની વીરગતિ યાદની અંદાજે ૧૫ ખાંભી છે.જે વરસો પહેલાં અમારા ગામની સીમમાં જ્યાં ત્યાં ઉભેલી અવાવરું જગ્યાએથી (પાળિયા)ખાંભીઓને આ જગ્યાએ એકત્ર કરી પ્રસ્થાપિત કરી છે.
ઇતિહાસની સચોટ માહિતી પ્રાપ્ય નથી.તેમજ આ સ્થળ "પાળિયા દેવ"નામથી જાણીતી છે.આ સ્થાનકે વાર તહેવારે રાધનપુરના સથવારા પરિવાર નૈવેઘ ધરાવે છે,અને કમાલપુર ગામનાં બે ત્રણ ચૌધરી પરિવાર દરરોજ દીવો પુરવા આવે છે.સાથે મારા મોટાભાઈ સાંજ સવારે દીવા કરે છે.આ જગ્યા પર મોરની(ઢેલ)ઈંડા સેવે છે.તમામ પક્ષી અને મોર નિર્ભય બની ચણ ચરે છે.ઘરની આજુબાજુ હવે વૃક્ષની ઘટામાં અસંખ્ય પંખીઓ નિવાસ કરે છે.હું ખુદ જુવાર ચણ નાખું છું.અને પાણીની પરબ પણ મૂકી છે.
ખાસ કરી આ શીલાની નીચે દેવનાગરી લિપિમાં કઈંક લખ્યું છે.જે આજના કોઈ વ્યક્તિ ઉકેલી શકતા નથી.(કોઈ મિત્ર આ લિપિ જાણતા હોય તો મારો પૂરો સપોર્ટ)બીજી ખાસિયત એ છે કે શિલાલેખ જે થોડા બચેલા છે,તેના પ્રોટેક્શન માટે કોઈ વ્યવસ્થા નથી.આ જમીનમાં દટાયેલા આ પાળીયાઓ ઉપર લોકો ધારિયા,ચપ્પુ,તલવાર ઘસતા જે હવે એ કૃત્ય નથી થતું.ગામે આ માટે ખાસ જગ્યા ફાળવી છ.તે મારા નિવાસની બિલકુલ સામે છે.મને પોતાને પણ રસ છે.કોઈ આ અંગે આધારભુત વિગતો જાણતા હોય તો મારો ઇનબૉક્સ પર સંપર્ક કરવા વિનંતી છે.
. - વાત્સલ્ય
