આળસ ન કર
માનવ હવે તો જાગને આળસ ન કર,
આ મોહ માયા ત્યાગને આળસ ન કર.
મૂકી અહીં જાવું પડે સઘળું અહીં,
ઈશ્વર ભજી ત્યાં માંગને આળસ ન કર.
સાચાં સગાંને ઓળખી દ્વારે આવજે,
કે કોણ તારું તાગને, આળસ ન કર.
પાપોનાં પડછાયા અહીં ધેરી વળે,
શરણે હરિનાં ભાગને, આળસ ન કર .
ફેરા ફરી થાકી ગયો ભગવાન છું,
ધોયા નથી ત્યાં દાગને, આળસ ન કર.
આત્માનો કર ઉધ્ધાર સાચો તું હવે,
મ્હેકી જશે મન બાગને, આળસ ન કર..
પરભવ સારું ભાથું હવે બાંધી લેજે,
માયા મેલી એ રાગને, આળસ ન કર.©
ગાગાલગા ગાગાલગા ગાગાલગા
"કાજલ"
કિરણ પિયુષ શાહ
