નથી હું આકાંક્ષાનો પથ્થર, રેખાની મને ખબર છે,
ભલે હો ઊંચા આભના સપના, મર્યાદા મારી મને ખબર છે.
તમે કહો છો કે નદી બનીને સાગરમાં જઈ ભળી જાઉં,
પણ કયા કાંઠે થંભી જવું, એ વહેણની મને ખબર છે.
ગજા વગરની વાત કરી હું કદી પાછી નથી પડતી,
ક્યાં ઝૂકવું ને ક્યાં અડગ રહેવું, એ આદતની મને ખબર છે.
નથી કોઈની હોડમાં પડવું, નથી કોઈને હરાવવા,
હું મારો રસ્તો પોતે જ છું, એ મુસાફરીની મને ખબર છે.
લોકો કહે છે કે દુનિયા બહુ મોટી છે દોસ્ત,
પણ મારા આંગણાના ઉંબરાની કિંમત મને ખબર છે.
ભલે હો ચારેકોર અંધારા ને આંધીઓનો આતંક,
દીવો થઈ ક્યાં સુધી બળવું, એ શક્તિની મને ખબર છે.
