The Download Link has been successfully sent to your Mobile Number. Please Download the App.
" કશુંક ઝંખી રહ્યો ખાલી હાથમાં ને મળી મને પાયમાલી હાથમાં." - "Bન્દાસ" રાકેશ વી. સોલંકી
" નજરમાં " ( ગઝલ ) મને તો કશો ફેર પડતો નથી. નજરમાં અગર ક્યાંય ચડતો નથી. ખસી હું ગયો છું રસ્તેથી ભલા; કદી કોઇને ક્યાંય નડતો નથી. ઘણો પાસમાં આવતો હું ગયો; છતાં કેમ પડછાયો અડતો નથી. એ નારાજગીથી ઘણો ચૂપ છે; મને વાતથી કેમ લડતો નથી? સમય છોડતો સાથ મારો છતાં; હું Bન્દાસ ક્યારેય રડતો નથી. ©✍️ " Bન્દાસ " રાકેશ વી સોલંકી મહેસાણા છંદ : મુતકારીબ = લગાગા×૦૩+લગા
" ખરેખર " ( ગઝલ ) ધડકન બની ગયા છે એ જ્યારથી ખરેખર. બેચેન બહુ રહે મન એ ત્યારથી ખરેખર. છાયા સમાન સાથે કાયમ રહે બરાબર; ના છૂટવાનો પીછો એ પ્યારથી ખરેખર. આ જિંદગી ખપાવી છે જ્યારથી પ્રણયમાં; ના કોઇ મોહ છે આ સંસારથી ખરેખર. બોજો સહન ન થાતો ચિંતા તણો જુઓ તો; નમતો ઘણો ગયો છું આ ભારથી ખરેખર. આપે જરા ઉતર ના સમજણ મને પડી ગઇ; Bન્દાસ ખુશ ઘણો છે ઇઝહારથી ખરેખર. ©✍️ " Bન્દાસ " રાકેશ વી સોલંકી મહેસાણા છંદ : ( ગા ગા લ ગા + લ ગા ગા )× ૦૨
" કોઇ વાતે તમે " ( ગઝલ ) કોઇ વાતે તમે ટોકશો ના ભલા. મન કદી કોઇનું તોડશો ના ભલા. સર હિમાલય કરે હોય પગ ના છતાં; કોઇ ઊંચે ચડે ચોંકશો ના ભલા. એ હવા થઇ જવાના નજર સામુથી; કે પકડવા તમે દોડશો ના ભલા. હોય સાચો પ્રણય તો જવાદો તમે; હીર રાંઝા બને, રોકશો ના ભલા. ડર જરા પણ ન Bન્દાસ રાખો તમે; હાથ ક્યારે તમે જોડશો ના ભલા. ©✍️ " Bન્દાસ " રાકેશ વી સોલંકી મહેસાણા છંદ : મુતદારિક = ગા લ ગા × ૦૪
" સમય સાથ ચાલો " ( ગઝલ ) સમય સાથ ચાલો ન પાછળ જુઓ. નજર સામુ રાખીને આગળ જુઓ. ભલા ચાંદની આજ ખીલી ઘણી; કે નર્તન કરે જોઇ વાદળ જુઓ. કરે રોજ ચુંબન અને એટલે; કરે પેનથી પ્રેમ કાગળ જુઓ. હશે ક્યાંક તાળું તમે શોધજો; રહી ના શકે ક્યાંય સાંકળ જુઓ. કિરણથી લડાઈ કરીને રહે; છે ગુસ્સામાં આજે તો ઝાકળ જુઓ. ©✍️ " Bન્દાસ " રાકેશ વી સોલંકી મહેસાણા છંદ : મુતકારીબ = લગાગા×૦૩+લગા
" સાથ મળતો રહે " ( ગઝલ ) મને આપનો સાથ મળતો રહે બસ. સદા આપને પ્રેમ કરતો રહે બસ. નજર ક્યાંય બીજે જવાની કદી ના; તમારી ઉપર રોજ મરતો રહે બસ. સુહાની સરસ એટલે હોય મોસમ; ગમે ફૂલ એ હાથ ધરતો રહે બસ. જરા ક્યાંય આઘા ગયા જો ખસી તો; ઇચ્છામાં સદા રોજ વરતો રહે બસ. જગા હોય ના જો હૃદયમાં તો બોલો; તમે જ્યાં કહેશો હું ઠરતો રહે બસ. ©✍️ " Bન્દાસ " રાકેશ વી સોલંકી મહેસાણા છંદ : મુતકારીબ = લ ગા ગા × ૦૪
" મહોબત થવાની " ( ગઝલ ) નજરના મિલાવો મહોબત થવાની. પછી રોજ મળવાની ચાહત થવાની. સમય ના જશે એકલા થઇ ગયા તો; મળો કાયમી રોજ આદત થવાની. તમે રાહ જોજો ઉતાવળ ન કરતાં; કૃપા એમની કે ઇનાયત થવાની. *જરા આંખ મારી ને લેશે મજા એ; ભલા એટલી તો શરારત થવાની. પછી રોકવાના નથી કોઇ ક્યારે; મળો રોજ બાગે ઇજાજત થવાની. ©✍️ " Bન્દાસ "* રાકેશ વી સોલંકી* મહેસાણા છંદ : મુતકારીબ = લ ગા ગા × ૦૪
" જિંદગીમાં " ( ગઝલ ) રહો રોજ હોઠે તમે સ્મિત થઇને. સરસ જે ગમે છે મને ગીત થઇને. અને એટલે જિંદગીમાં મજા છે; હૃદયમાં રહ્યા છો તમે મીત થઇને. કદી ક્યાંય પણ હારવાનો જરા ના; મને સાથ આપો સદા જીત થઇને. મને બીક લાગી ન પડવાની ક્યારે; ઊભા જો રહ્યા છો તમે ભીંત થઇને. નથી કોઇ દુશ્મન થયો વાતમાં કે; બધામાં મળો છો તમે પ્રીત થઇને. ©✍️ " Bન્દાસ " રાકેશ વી સોલંકી મહેસાણા છંદ : મુતકારીબ = લગાગા×૦૩+લગા
" પત્થર હજી " ( ગઝલ ) લેતો નથી અવતાર ઈશ્વર હજી. પૂજાય બોલો આજ પત્થર હજી. આવી મળે છે બહુ નદીઓ છતાં; પ્યાસો જુઓ છે આ સમંદર હજી. ખુદ જાત પર હસતો રહ્યો જિંદગી; બોલો હસાવે રોજ જૉકર હજી. પાવન થયા પરિવાર, બે ઘર છતાં; બેટા ઘણો વ્હાલો નિરંતર હજી. પાવન ગણે છે જાતને કામથી; કાંતે સુતરના તાર વણકર હજી. ©✍️ " Bન્દાસ " રાકેશ વી સોલંકી મહેસાણા છંદ : મુતકારીબ = લ ગા ગા × ૦૪
" કારણ મળ્યું " ( ગઝલ ) દિલ ધડકવાનું જુઓ કારણ મળ્યું. યાદ થઇને આવતું કો' જણ મળ્યું. સાસરે બોલો મળ્યા છે પિયરિયા; ખીલવું હતું ફૂલને ફાગણ મળ્યું. બાગની ફોરમ બધીય અહીં વળી; એમના પગરવકેરું આંગણ મળ્યું. આયને આજે અચાનક જોયું તો; કે નજર આગળ મને સાજણ મળ્યું. યાદ કરતાં રોઇ ઉઠયા શું થયું? આંખમાં એનું મને તારણ મળ્યું. ©✍️ " Bન્દાસ " રાકેશ વી સોલંકી મહેસાણા છંદ : રમલ = ગાલગાગા×૦૨+ગાલગા
Continue log in with
By clicking Log In, you agree to Matrubharti "Terms of Use" and "Privacy Policy"
Verification
Download App
Get a link to download app
Copyright © 2023, Matrubharti Technologies Pvt. Ltd. All Rights Reserved.
Please enable javascript on your browser
