શુભકામના
પ્રિયે...સાંભળને...
કદમથી કદમ મિલાવી ચાલ્યાં
સુખ-દુઃખ ચડતી પડતી
એકમેકના સંગાથે..
સપ્તપદીની કસમો વાગોળતા
હસતા રમતાં ચાલ્યા કર્યું..
મળ્યું એનો ઓચ્છવ કર્યો
નથી એને મનમાં ના લીધું
હરિઈચ્છા સદા બળવાન..
હાથમાં હાથ લઈ
સંબંધની હુંફ સાથે ..
જિંદગીની ગાડીને
સમતોલ રાખવા મથતા રહ્યાં
સમય સાથે
તું તું મેં મેં ને બદલે
મૌનનો સંવાદ કયારેક
તારું મારું નહીં આપણું બન્યું..
સપનાં સહિયારા..
એકની ઈચ્છા બીજાનો નિરર્ધાર
કદમ કદમ પર તારો સાથ
હમસફર મિત્ર શું કહું ?
બસ
આજના દિવસે...
ચાંદ તારાની ઉંમર તને મળે..
તારી હર ઈચ્છા ઈશ્વર પૂર્ણ કરે
જન્મદિવસની ખૂબ ખૂબ શુભેચ્છા....©
"કાજલ"
કિરણ પિયુષ શાહ
