મારી પદ્ય રચના એકલવીરમાં
નિંદર
રાત -દિન ઉભો છે એ પગને બનાવી પથ્થર,
ત્યારે તું માણે છે ચેનની નિંદર.
ખુદ ગોળીઓ ઝીલી તને પહેરાવે બખતર,
ત્યારે તું માણે છે ચેનની નિંદર
કેટલાય અધુરા સ્વપ્ન અંકાઈ સુની આંખ પર,
ત્યારે તું માણે છે ચેનની નિંદર.
ખચકાતાં નથી ઓઢતાં કફન સરહદ પર,
ત્યારે તું માણે છે ચેનની નિંદર.
એની શહીદી તારા માટે બની જાય છે માત્ર ખબર,
ને ! તું માણે છે ચેનની નિંદર.
જય હિંદ.
ડો.ચાંદની અગ્રાવત. 15/7/2023
