🍁 फीरनी
🍁कमी साहित्यात झटपट तयार होणारा चविष्ट आणि सोपा पदार्थ..
🍁साहित्य
दोन मोठे चमचे तांदुळ
अर्धा लिटर फुलक्रीम दुध
साखर आवडीनुसार
केशर, वेलची पावडर
बदाम काप
चार बदाम भिजवून साले काढून
🍁कृती
प्रथम तांदुळ धुवून घ्यावेत व पसरुन ठेवून कोरडे करून घ्यावेत
नंतर ते कोरडेच खमंग भाजून एक वाटी दुधात भिजत ठेवावेत
चार बदाम भिजवून साले काढून घ्यावेत
🍁 दोन तासांनी मिक्सर मध्ये प्रथम बदाम वाटुन घ्यावेत
त्यावर दूधात भिजवलेले तांदूळ घालून रवाळ पेस्ट करून घ्यावी
🍁अर्धा लिटर दूध उकळायला ठेवावे
दुध उकळले की तांदळाची पेस्ट हळूहळू दूधात घालावी
सतत हलवत रहावे जेणेकरून गाठी होणार नाहीत
🍁पंधरा ते वीस मिनिटात तांदुळ छान शिजतात
आवडीनुसार साखर घालावी
शेवटीं केशर, वेलदोडे पावडर
व बदाम काप घालावे
🍁दोन मिनिटे परत चांगले हलवून गॅस बंद करावा
ही फिरनी बाऊल मध्ये घालून फ्रिज मध्ये थंड करायला ठेवावी
थंडगार खावी फार चविष्ट लागते 😋
