એક બારી માં કેટલું સમાયું!?
ઉડતું પક્ષી ને ત્રણ ઝાડ..
બે મકાન અને એના ધાબા..
ને એક મોટી ઇમારત ..
આભને ઢાંકતી અને
હવાને રોકતી હંફાવતી,
એની ય બારીઓ મહીંથી..
ભેગું કરીને જોઈએ તો,
એક વેંત જેવડું નભ..
તોય દેખાય તો ખરું હોં..
પણ એય ઢંકાશે,
જ્યારે એને વાચા ફૂટશે,
બારીઓને પડદા આવશે,
ખેર એય બે ઘડીના મહેમાન,
ને આપણેય ...
શું લેવાદેવા આ જગ સાથે..
જે જીવવા મળ્યું એ.
માણ્યું એ ખરું..
ના માણ્યું તોય ખરું.
નિરાલી મનિષ પટેલ
17 7 17
9.13 am
