" પ્યાર કલ્પનાથી પાર "
ના પૂછીશ મને કે, કેટલો મને પ્યાર છે?
મારી ચાહત તો તારી કલ્પનાથી પાર છે.
હશે તારા માટે હર સબંધ તારી દુનિયા,
મારા માટે તો બસ તું જ પૂરો સંસાર છે.
રહે તું પાસે કે પછી, રહે તું મારાથી દૂર,
હર ક્ષણ આ હૃદયને, તારો ઇંતેજાર છે.
શ્વાસે શ્વાસમાં ભરી બસ ખુશ્બુ તારી,
હોઠો પર ફક્ત તારા નામનો ઉચ્ચાર છે.
ખ્વાબ ને ખ્યાલોમાં બસ તું ને તું જ છે,
જીવનના નજારે "વ્યોમ" તારા દિદાર છે.
✍...© વિનોદ. મો. સોલંકી "વ્યોમ"
જેટકો (જીઈબી), મુ. રાપર
