કાવ્ય શીર્ષક: ખાખીનું સ્વપ્ન
ભાગો દોડો ઊભા ન રહો, અવસર આંગણે આવ્યો છે,
ખાખી વર્દી પહેરવા કાજે, સમય ટકોરો દઈ લાવ્યો છે.
ના રૂક તું, ના થમ તું, બસ લક્ષ્યને વીંધી નાખ, તું!
છાતી કાઢી, મસ્તક ઊંચું, ડરને હવે તું વીંધી નાખ. તું!
પરસેવો જે પાડશે આજે, કિસ્મત એની ખુલવાની,
મેદાન પર જે શ્વાસ ઘૂંટશે, તાકાત એની બોલવાની.
સપના તારા મા-બાપના, આંખોમાં અંજાવા દે, તું!
ભૂખ-ઊંઘને ભૂલી જા ને, જનુન દિલમાં છાવા દે. તું!
પગમાં ભલે છાલા પડે, પણ ગતિ ન ધીમી થાય જો,
સિંહ જેવી ત્રાડ નાખ, કે દુનિયા આખી સાંભળે જો.
વર્દી તારી રાહ જુએ છે, કમર કસી તૈયાર થા, તું!
દેશ કાજે રક્ષક બનવા, ભીડમાંથી બહાર થા. તું!
આળસ ખંખેરી જાગી જા તું, ઈતિહાસ નવો રચવાનો છે,
પોલીસ બનીને શાનથી ભાઈ, પડકાર હવે ઝીલવાનો છે.
રસ્તા ભલે હોય આકરા, પણ હિંમત તારી ખૂટે નહીં,
'ખાખી' કેરો રંગ છે પાકો, મહેનત વિના એ છૂટે નહીં.
માટે ઊઠ! દોડ! અને જીતી લે! મેદાન આખું તારું છે...
ખાખી વર્દીની શાન, અને "સ્વયમ્'ભૂ" સન્માન આખું તારું છે!
અશ્વિન રાઠોડ "સ્વયમ્'ભૂ"
