ફૂલો કહે છે...
પુષ્પજગતમાં માનવોની જેમ ચૂંટણી વ્યવસ્થા નથી,
એટલે જ અનામતનું દૂષણ પણ નથી.
તેમ છતાં, અમારાં પુષ્પપરિવારનાં જે ભાઈ - બહેનો
જાહેર સ્થળો પર માનવકલ્યાણાર્થે પોતાની સેવા આપે છે; તેમને ચૂંટાઈ જવામાં ' આરક્ષણ ' આપેલું છે.
જેથી નગરની સુંદરતા જળવાઈ રહે.
છતાં, આ નફ્ફટ માનવી અમારાં રંગબેરંગી સાથીદારોને પોતાનો લાલચુ અને મફતખોર રંગ બતાવ્યા વગર રહેતો નથી.
ફૂલ ચૂંટીને પાછો કહેતો જાય છે, "આ ફૂલમાં મજા નથી...!"
- પંકિલ દેસાઈ
