રડવું... રડવું કાયમ કમજોરી કેમ કહેવાય છે! હૈયું કોક પાસે ખોલી હળવું થવું કમજોરીની નિશાની કેમ ગણાય! વિશ્વાસ હોય એની જોડે હસી શકાય એની જોડે રડી શકાય. આંસુ કમજોરી હોય જ નહિ. માણસ દુનિયા જોડે લડી શકે.. પોતાના જોડે લડી ન શકે. થાકી જાય , કંટાળી જાય આખરે હારી જાય. બોલી ન શકે એવા શબ્દોના બંધ મન માં ને મન માં બન્યા કરે, ત્યારે કોઈ સ્નેહીનો ખભો મળે ને એ બંધ ધરાશાયી થઈ આંસુ રૂપે વહી જાય. અરે હું તો કહું કે મને તો રડતો માણસ ગમે.. રડી લે હળવો થઈ જાય. ફરી નવા સપના જોવે , ફરી તૂટે , ફરી રડે પણ એ હારે નહિ. બહુ હિંમતનો ડોળ કરતો માણસ અંદર ને અંદર રોજ રડે છે. તો જાહેર ક્યારેક રડાય માં કેમ નહિ! રડવું કોઈ ગુનો નથી. રડવું કોઈ કમજોરી નથી. રડવું પણ એક લાગણી જ છે. જેને બીજી લાગણીઓની જેમ બતાવી શકાય. its ok.....
