❤️🌹 " ભીંજાયેલી યાદો " 🌹 ❤️
કરશો જો યાદ તો હરેક વાત યાદ આવશે,
કરેલી કોઈ અનોખી મુલાકાત યાદ આવશે.
પહેલા વરસાદની સતત ટપકતી બૂંદો વચ્ચે,
હથેળી ઉપર મૂકેલો કોઈ હાથ યાદ આવશે.
વર્ષાના શોરમાં એકાકાર પાયલનો ઝણકાર,
ને કદમથી કદમ મિલાવેલ સાથ યાદ આવશે.
મંદ મંદ લહેરાતા એ ઠંડા પવનમાં મહાલતાં,
ગુજારેલી હસીન એ એક રાત યાદ આવશે.
ઘનઘોર ઘેરાયેલા વાદળ વચ્ચે સેરડો પાડીને,
ધરતી પર ઊતરી આવેલ ચાંદ યાદ આવશે.
અતિશય યાદમાં છલકાઈ જશે આ આંખો,
ભીંજાયેલી એ પ્રણયની જાત યાદ આવશે.
હવે તો જિંદગી વીતી જશે એ જ યાદોમાં,
"વ્યોમ" દિલના એ જઝબાત યાદ આવશે.
✍...© વિનોદ. મો. સોલંકી "વ્યોમ"
જેટકો (જીઈબી) અંજાર. મુ. રાપર.
