અઢળક આપનારા આશુતોષ.
દિલાવર બક્ષનારા આશુતોષ.
એ જી શિવસમાન ન હોય કોઈ દાતાર રે.
શિવનું શરણ લીધું.
પંચાક્ષર રે પાવનકારી
અંતર આરાધે ત્રિપુરારી
એ જી શિવ આપે બનીને એકે હજાર રે.
શિવનું શરણ લીધું.
ઉરને ઉકેલજો અવિનાશી,
દર્શન કાજે રે નૈન પિયાસી
એ જી કોઈ ના હોય શિવ હારોહાર રે.
શિવનું શરણ લીધું.
રીઝો રીઝો રે ભોળાનાથ,
ઝાલો ઝાલો રે અમારો હાથ.
ભૂલીને દોષો જે છે સૌના તારણહાર રે.
શિવનું શરણ લીધું.
- ચૈતન્ય ચંદુલાલ જોષી. ' દીપક '
