તન કરતાંયે મનના રોગો પરખાયા ઘણા.
વય વીત્યા પછી મોડેથી સમજાયા ઘણા.
દેહસુખાકારી અર્થે વિવિધ ઔષધો લીધાં,
મનની તંદુરસ્તી વિના કેવા ભરખાયા ઘણા.
ના વિચાર્યું યુવાવયે મનની મલિનતા વિશે,
જમાવી કબજો ભીતરેને શરમાયા ઘણા.
ના પડી ખબર ક્યારે ચાલી ગઈ માનવતાને,
ક્રોધ, ઈર્ષા, કપટાદિ મનમાં વીંટળાયા ઘણા.
રહ્યા દૂર હરિ પણ કેટલા આદતો દેખીને,
આપીને દેહ માનવનો એ પસ્તાયા ઘણા.
- ચૈતન્ય જોષી. ' દીપક ' પોરબંદર.
