દેવશયની એકાદશી આવી,
લઈને ચાતુર્માસ પવિત્ર.
કહેવાય એવું પોઢી ગયા દેવ,
તોય આવતાં તહેવારો શ્રેષ્ઠ.
આવે જન્માષ્ટમી અને બળેવ,
આવે ગજાનન મહારાજ ઘરે!
પિતૃઓની શાંતિ કરાય,
મા અંબાનાં ગરબા રમાય!
શરદપૂર્ણિમાએ ઠંડક વર્તાય.
વાક્બારસ ને ધનતેરસ,
કાળીચૌદશે કકળાટ જાય,
ઝગમગ કરતી દીવાળી આવે,
બેસતું વર્ષ નવલું લાવે,
ભાઈનો દિવસ ભાઈબીજ આવે,
દેવદિવાળીની ઝાકઝમાળ લાવે.
આવે જ્યાં દેવઉઠી એકાદશી,
થાય સમાપ્ત ચાતુર્માસ,
ને શરૂઆત થાય વિવાહપ્રસંગોની!
-Tr. Mrs. Snehal Jani
