પ્રગટ્યા કારાગ્રહ મોઝાર કૃષ્ણ કિરતાર તમે.
હરવાને ભૂમિતણો ભાર કૃષ્ણ કિરતાર તમે.
દીપાવી તિથી અષ્ટમીને શ્રાવણ માસ પ્રભુ !
આપ્યો જગને ગીતાસાર કૃષ્ણ કિરતાર તમે.
હણીને આતતાયી ઉપદ્રવ દૂર કર્યો ભારતનો,
ભક્તજનને તમારો આધાર કૃષ્ણ કિરતાર તમે.
વીતાવ્યું શૈશવ નંદયશોદાના દ્વારે લીલા કરી,
' માખણચોર' નામ ધરનાર કૃષ્ણ કિરતાર તમે.
દ્વારકેશ,દયાનિધિ,દુઃખહારી દૃષ્ટદમન,દાતાર,
દારિદ્રય સુદામાનું હરનાર કૃષ્ણ કિરતાર તમે.
કરી મૂરલીનાદ મોહન મોહ્યાં ગોપીજન હરિ,
રાસ રાધાસંગે હો રચનાર કૃષ્ણ કિરતાર તમે.
ચૈતન્ય જોષી. ' દીપક ' પોરબંદર.
