Quotes by રાજેન્દ્રકુમાર એન. વાઘેલા in Bitesapp read free

રાજેન્દ્રકુમાર એન. વાઘેલા posted an update Gujarati Motivational

*કંઈક તો ખામી રહી હશે*
====================
કંઈક તો ખામી રહી હશે ભણતરમાં

નહિતર,

આર્યભટ્ટનાં દેશમાં બાળકો
ગણિતમાં 'નાપાસ' થાય નહીં.

અને કાલિદાસને ભૂલી જઈ
શેક્સપિયર ભજવાય નહીં.

સુશ્રુતનાંં દેશમાં સારવાર
આટલી નબળી થાય નહીં.

અને

પ્રતાપ-શિવાજી છોડીને
અકબર-ઔરંગઝેબ પૂજાય નહીં.
નક્કી, કંઈક તો ખામી
રહી હશે ભણતરમાં

નહિતર,

દેશનો દીકરો માતૃભાષા
બોલવામાં થોથવાય નહીં.

કંઈક તો ખામી રહી હશે ઘડતરમાં

નહિતર,

નાનાં નાનાં સ્વાર્થ પાછળ
જીવનનાં સંબંધ જોખમાય નહીં.
વસુધૈવ કુટુંબકમ્ ને બદલે
માબાપ વૃદ્ધાશ્રમ જાય નહીં.

દિવસ હોય કે રાત
ક્યારેય નિર્ભયા લૂંટાય નહીં.

અને

સાત જન્મોનો સંબંધ,
એ લગ્નનો સોદો કદી થાય નહીં.

નક્કી, કંઈક તો ખામી રહી હશે ઘડતરમાં

નહિતર,

જીવનનું મૂલ્ય શૂન્ય બનાવી આમ આત્મહત્યાઓ થાય નહીં...
(સંકલિત)

🙏
રાજેન્દ્ર વાઘેલા

2 others like this post.

રાજેન્દ્રકુમાર એન. વાઘેલા posted an update Gujarati Thought

4 year ago

માતૃભાષા ચિંતન

272 Views

1 others like this post.

રાજેન્દ્રકુમાર એન. વાઘેલા posted an update Gujarati Poem

4 year ago

એક ગઝલ.

3 others like this post.

રાજેન્દ્રકુમાર એન. વાઘેલા posted an update Gujarati Quotes

4 year ago

ભૂલ કાઢવી હોય તો બધાયની નીકળે;
પણ, ફૂલ ઉગાડવા હોય તો એક કૂંડુ પણ કાફી છે.

-રાજેન્દ્રકુમાર એન. વાઘેલા

6 others like this post.

રાજેન્દ્રકુમાર એન. વાઘેલા posted an update Gujarati Motivational

4 year ago

એક ગહન પ્રત્યુતર
==================================
દુબઈને દુનિયાના નકશામાં
એક આગવી વિશિષ્ટ ઓળખ અપાવનાર
શેખ રશીદને પત્રકારે પ્રશ્ન પૂછ્યો:
.
“તમને તમારા દેશનું ભવિષ્ય કેવું લાગે છે?”
.
શેખ રશીદે જવાબ આપ્યો તેને બહુ ધ્યાનથી સમજવા જેવો છે. તેમાં આધુનિક સમયના યુવાનો માટે બહુ મોટો ગર્ભિત સંદેશ સમાયેલો છે.
.
જવાબ વાંચો....
.
“મારા દાદા ઊંટ ચલાવતા.
મારા પિતા પણ ઊંટ પર સવારી કરતા.
હું મર્સિડિઝમાં બેસું છું.
મારો પુત્ર લેન્ડ રોવરમાં ફરે છે.
મારો પૌત્ર પણ લેન્ડરોવરમાં અથવા
તેથી ય મોંઘી અને આધુનિક સુવિધાઓવાળી
કારમાં ફરશે.
પરંતુ……
મને ખાત્રી છે કે
મારો પ્રપૌત્ર પુન:
ઊંટ પર સવારી કરશે...!!!"
.
પત્રકારને આશ્ચર્ય થયું.
કોઈને પણ આશ્ચર્ય જ થાય એવો જવાબ હતો.
કુબેરનો ભંડાર ધરાવતો ભંડારી
આવું શા માટે કહે...???
.
પત્રકારે સામો પ્રશ્ન કર્યો:
“તમે એવું કેમ કહો છો?”
.
હવે શેખ રશીદ જે સાહજીકતાથી જવાબ આપે છે
એ ખરેખર સમજવા જેવો છે.
.
શેખ રશીદ ઉત્તર આપતાં કહે છે:
.
"સંઘર્ષ અને મુશ્કેલીઓ
મજબૂત માણસો પેદા કરે છે.
મજબૂત માણસો પોતાના સામર્થ્યથી,
સમય અને જીવન બંનેને આસાન બનાવી દે છે.
.
તકલીફો વિનાની સરળ જિંદગી
નિર્બળ માણસો પેદા કરે છે.
નિર્બળ માણસો સમયને
સમજવામાં ઊણા ઊતરે છે
અને
તેઓ જીવનમાં મુશ્કેલીઓને નિમંત્રે છે.
આવી પડેલી આપત્તિઓનો
સામનો કરવાની સમજણ ન હોય તેવા
પોતાની પાસે જે કાંઈ હોય
તે પણ ગુમાવી બેસે છે.
.
આપણે બળવાન યોદ્ધા પેદા કરવા જોઈએ
નહીં કે પરજીવી"
.
શેખ રશીદનું આ વિધાન
આજની ટેકનોલોજીની સગવડમાં
કોઈપણ જાતની અગવડ વગર
ઉછરી રહેલી અને જીવી રહેલી
આધુનિક પેઢી માટે Eye Opener છે.
.
આધુનિકતાથી પોષણ પામતા સંતાનોને
આપણે જે મુશ્કેલીઓનો સામનો કરવો પડેલો,
તેનાથી તેઓને દૂર રાખવાના મોહમાં,
શક્ય તેટલી વધુ સુવિધાઓ પૂરી પાડીએ છીએ
અને અન્ય પર અવલંબિત રહીને
જીવન જીવતાં શિખવાડીએ છીએ.
.
પરિણામે તેઓ સ્વયંની શક્તિથી,
સ્વયંની સમજણથી,
સ્વયંની કુનેહથી કે
સ્વયંની આવડત અને હોંશિયારીથી
વિકાસ કે સફળતાના પગથિયાં
ચડવાનું સામર્થ્ય ગુમાવી બેસે છે.
.
સંક્ષેપમાં...
આ કારણોથી જ
આપણે શક્તિમાન નહીં પણ
નિર્બળ વારસદારો તથા
નેતાઓ પેદા કરી રહ્યા છીએ.

(સંકલિત)

રાજેન્દ્રકુમાર એન. વાઘેલા posted an update Gujarati Motivational

4 year ago

283 Views

4 others like this post.

રાજેન્દ્રકુમાર એન. વાઘેલા posted an update Gujarati Quotes

4 year ago

ટેવ ભલે તેની હોય મનમાં ગુમાન રાખવાની,
સમયને ટેવ બહું અટપટી છે જવાબ આપવાની.

-રાજેન્દ્રકુમાર એન. વાઘેલા

7 others like this post.

રાજેન્દ્રકુમાર એન. વાઘેલા posted an update Gujarati Quotes

4 year ago

સિધ્ધાંત એ કોઈ કુટેવ નથી : કોઈના દ્વારા આપણા વિશે કરાયેલા ખોટા અનુમાનો કે ધારણાઓથી પોતાનાં સિદ્ધાંતો સાથે બાંધછોડ ન કરવી જોઈએ. સિદ્ધાંત હંમેશા ઉર્ધ્વગતિના માર્ગ ઉઘાડે છે.
🙏જય માતાજી🙏

-રાજેન્દ્રકુમાર એન. વાઘેલા

275 Views

8 others like this post.

રાજેન્દ્રકુમાર એન. વાઘેલા posted an update Gujarati Poem

4 year ago

એક ખાનગી શાળાનાં શિક્ષક કે જેમનો હાલમાં પણ મળતા પગારની અમુક ટકા રકમ કાપી લેવામાં આવે છે.(કોરોના કાળને લીધે!!!) ઘરમાં પડતી આર્થિક મુશ્કેલી અને તેમાં સામે આવતો તહેવાર...
શિક્ષક છે ને !
પોતાના ઘરમાં બુભુક્ષુ પરિવારને સમજાવતી સંવેદનશીલ રચના.
###

પગારમાં કપાત
====================
તારા પછી તેનું બટકું ,
આવું જ દિવસ-રાત છે.
ખાઈલે બેટા છાસ ને ભૈડકું,
પગારમાં કપાત છે.
અજવાળાની શી જરૂર?
ભીતરમાં તો આગ છે !
તેમાં આશાઓનું ઘી પૂર,
ને, ધારી લે ઉજાશ છે.
તારા પછી તેનું બટકું ...

તહેવારો તો આવે-જાય,
તેમાં વહેવાર થોડાં ભૂલાય ?
એકબીજાની હૂંફ થકી જ ,
મીઠી લાગણીઓ જળવાય !
પછી,
મીઠાઈઓ તો મૃગજળ જેવી,
શાને સંતાપ કરે ?
ખાઈલે બેટા ગોળનું ગાંગડુ,
પગારમાં કપાત છે.
ને હા;
પેલી જૂની જોડ ચલાવી લેજે,
સીલાઇ ઉકેલી લંબાવી દેજે.
છતાંય મન જીદ્દે ચઢે તો,
ચોપડે ઉધાર લખાવી દેજે,
મૌન ધર;ના કોઈને કહેવું કે,
પગારમાં કપાત છે,
ખાઈલે બેટા છાસ ને ભૈડકું
પગારમાં કપાત છે.
તારા પછી તેનું બટકું ...

મોજશોખ હમણાં માંડી વાળ,
ધીરજ ઘર, રોકી લે ધાર.
કાલ સઘળું બદલાઈ જાશે,
વહી જાશે આ કપરો કાળ.
કંઈ ન હોય ભલે ગજવામાં,
વ્હાલા હૈયે પ્રેમ અપાર છે,
ખાઇલે બેટા છાસ ને ભૈડકું
પગારમાં કપાત છે.
તારા પછી તેનું બટકું,
આવું જ દિવસ-રાત છે.
ખાઈલે બેટા છાસ ને ભૈડકું,
પગારમાં કપાત છે.
###

8 others like this post.

Quotes by રાજેન્દ્રકુમાર એન. વાઘેલા in Bitesapp read free

રાજેન્દ્રકુમાર એન. વાઘેલા

રાજેન્દ્રકુમાર એન. વાઘેલા posted an update Gujarati Motivational

રાજેન્દ્રકુમાર એન. વાઘેલા posted an update Gujarati Motivational

રાજેન્દ્રકુમાર એન. વાઘેલા posted an update Gujarati Thought

રાજેન્દ્રકુમાર એન. વાઘેલા posted an update Gujarati Poem

રાજેન્દ્રકુમાર એન. વાઘેલા posted an update Gujarati Quotes

રાજેન્દ્રકુમાર એન. વાઘેલા posted an update Gujarati Motivational

રાજેન્દ્રકુમાર એન. વાઘેલા posted an update Gujarati Motivational

રાજેન્દ્રકુમાર એન. વાઘેલા posted an update Gujarati Quotes

રાજેન્દ્રકુમાર એન. વાઘેલા posted an update Gujarati Quotes

રાજેન્દ્રકુમાર એન. વાઘેલા posted an update Gujarati Poem

Follow Us On:

Download Our App :