आवडेल मला पाऊस व्हायला
जीवनाच्या गच्च काळ्या ढगातून बाहेर यायला
धारणी मातेच्या मिठीत सामावून
तिला चिंब भिजवायला
आवडेल मला पाऊस व्हायला
आवडेल मला पाऊस व्हायला
तहानलेल्याची तहान भागवायला
बळीराजाचा सोबती बनून
आवडेल मला जगाचा पोशिंदा बनायला
आवडेल मला पाऊस व्हायला
आवडेल मला पाऊस व्हायला
बंधनाचे पाश तोडून
तुझ्यासोबत एक क्षण जगायला
पाण्याचा थेंब बनून
तुझ्या गालावरून घरंगळायला
आवडेल मला पाऊस व्हायला
आवडेल मला पाऊस व्हयला
तुझ्या अश्रूंसोबत मिळून
तुझे दुःख समजून घ्यायला
तुझ्या जीवनाचा सोबती बनायला
आवडेल मला पाऊस व्हायला
या माझ्या साऱ्या आवडीत
सांग जमेल का तुला साथ द्यायला
तरच आवडेल मला पाऊस व्हायला
तरच आवडेल मला पाऊस व्हायला
