મારા વગર મારાં ઝાડવાં રૂએ,હુ એને ક્યારે જઈ મળું?
મારા વગર મારાં ઝાડવાં રૂએ,હું એને ક્યારે જઈ મળું? (૨)
(ટેક)
જઈને એને છાનું રાખું,જઈ એને છાનું રાખું!!
ગૉડ કરું એને પાણી પાઉં,ક્યારે નીંદણ કાઢું રે !!
મારા...
પવન વાગ્યો,એ આડું પડ્યું,એને ટેકો આપું!!
ઘસરકો કોઈ કરી જાય ડાળીએ પાટો બાંધું રે!!
મારા...
રોગ-જીવાત લાગે જ્યાં,લાગે તડકો આકરો !
વીણી લઉં જીવાત સાથે આછો છાંયો કરું રે!
મારા...
ક્યારો કરું,કચરો લાવું સાથે અળસીયાં લાવું !!
ગાયનો પોલ્લો રસ્તે જોઉં તો ઉપાડી લાવું રે !
મારા...
કાળી ચકલી લાવું,કોશી,પેલું બુલબુલ બોલાવું!!
લાકડાનો ઊંચો ટેકો બાંધું,માળો મુકું,પંખી બેસે રે!!
મારા...
પાઇપ લાવું,ટપક મૂકાવુ,મોટર સોલાર મુકાવું!!
કેમ કરી રોપો બચાવું,મોટું થયે મીઠાં ફળ ખાઉં રે!!
મારા...
- વાત્સલ્ય
