#AJ #MATRUBHARTI
અભિલાષા...
મૃત:પાય બની અભિલાષાઓ કેટકેટલીય આજે,
જ્યારે કાળજે રેહનાર જ કાળજે ઘાવ દઈ બેઠા.
સર્વસ્વ માન્યું, ઈશથી પહેલા અનુસર્યા મેં જેને !
આજ એ ' તે કર્યું જ શું ? ના પુરાવા માંગી બેઠા.
ભૂલમાંય ના દુભાવી લાગણી કદી કોઈની અમે,
તોય શાને એ દોષ મુજ પર આમ લગાવી બેઠા?
કેવી હાનિ કોઈને અમારાથી ? ના જ બની શકે !
નિસ્બત નથી દુનિયાથી, આજ પથ્થર બની બેઠા.
સમીકરણો ઉકેલતા લોકોના, જીંદગી વીતી ગઈ,
ત્યાં આજ ખુદના સમીકરણને જ ઉલઝાવી બેઠાં.
હાં, તૂટી ગયો છું ! સાવ એકલો પડી ગયો છું !
ખુશ રાખવામાં સૌને, આજ હસવાનું ભૂલી બેઠા.
મિલન લાડ. વલસાડ. કિલ્લા પારડી.
