સ્વર્ગ માત પિતાના ચરણોમાં છે ઉપર નહીં મળે.
સેવાની સુખદ એવી ક્ષણોમાં છે ઉપર નહિ મળે.
કોઈએ મોકલ્યા નથી સમાચાર ગયા પછી ઉપર,
હાજરાહજૂર ના આવરણોમાં છે ઉપર નહીં મળે.
મળી તક તો વધાવી લો ઘરે બેઠા ગંગા છે હાજર, ઋણ ચૂકવવાના એ સ્મરણોમાં છે ઉપર નહીં મળે.
ખુદ ઈશ્વર પણ માતા-પિતાના પ્રેમને ઝંખે સદાકાળ
તીર્થધામ તો આપણા આંગણમાં છે ઉપર નહીં મળે.
રહી જશે વસવસો અગર ચૂકી ગયા આ અવસરને,
માબાપની સાથે અહીં ઈશ્વર પણ છે ઉપર નહીં મળે
-ચૈતન્ય જોષી 'દિપક' પોરબંદર.
