હાલ્યા છે ક્રિષ્ન નગરી ફરવા
મામાના ઘરે મહેમાન બનવા
સાથે છે ભાઈ બેનડીની જોડ
જોડી છે તેમની અજોડ ..
રથડાનો શણગાર સોહામણો
કાળીયો ઠાકર પણ કયા છે કમ..
હાથમા છે મોરલીને માથે મોરપીંછ,
અંગ છે પીળા વસ્ત્રોમાં સજ્જ.
એવો તો કાનુડો લાગે વહાલો..
ભક્ત રુપી ગોપીઓ જોવે છે વાટ..
વહાલો અમારો મળશે અમને આજ.
આશ મનમા છે ને ખુશીનો છે ઉમળકો...
આવે છે સામે ચાલી ઠાકર રે આજ,
ભક્તોને ભેટી વહાલો પણ હરખાય.
જાતજાતના મિષ્ટાન ને છે માખણ વળી...
જમો તો પ્રેમથી મારા તે લાલ..
જશોદા સમ આ માવડીઓ જમાડે.
થોડીવાર રોકાવોને તમે કાન
રમોને રાસડે અમોરી સાથ ...
રોજ ક્યાં આવે આવો અવસર,
તુંજને નીરખવાનો એવો તે લહાવો.
જાજો તમે નિરાતે આજ ,
વહાલા તુજને બસ એટલી જ અરજ
સુખમય રાખજે જગને તું રોજ
જગતનાં નાથ તને એટલી જ વાત ..
રહેજે સદા તું અમોરી સંગ..
હાલ્યા છે ક્રિષ્ન નગરી ફરવા
કપિલા પઢિયાર(કલ્પી)

Gujarati Poem by kapila padhiyar : 111984639

The best sellers write on Matrubharti, do you?

Start Writing Now