એના સ્વભાવમાં બદલાવ જ્યારે આવી શકે છે,
તૂટવાનું સ્વપ્ન પણ ત્યારે આવી શકે છે.
હાસ્યને કારણોમાં કેદ રાખ્યું છે તમે,
રુદનનું તો એવું છે કે એ ગમે ત્યારે આવી શકે છે.
મેળવવી હોય સફળતા તો પ્રયત્ન કરવા જ પડે છે,
વિચારો તો મનમાં ઇચ્છો ત્યારે આવી શકે છે.
પાછું ઘરની છતમાં ઈંટ ઉમેરવા કેટલુંય ઘસાવવું પડે છે,
ધૂળનું તો શું છે એ તો પગની પણ હારે આવી શકે છે.
હજારો મિત્રો દુઃખ વેળાએ ખસી જાય છે ત્યારે,
એક ભાઈ જ કપરા સમયે વહારે આવી શકે છે.
પીયૂષ ગોસ્વામી..
