ઉર તણી નિ:શબ્દ કહેવા ગુલાબ આપો.
સંબંધોમાં સ્નેહને લાવવા ગુલાબ આપો.
ક્વચિત્ હોય તિરાડ સંબંધોની બાબતમાં
પૂર્વવત્ સંબંધો ખીલવવા ગુલાબ આપો.
શક્ય છે મતભેદએ મનભેદમાં પરિણમતો,
પરસ્પર દૂરીની ખાઈ પૂરવા ગુલાબ આપો.
કટુવેણે તૂટી હોઈ મિત્રતા શબ્દબાણ થકી,
નવી શરૂઆત જાણે કરવા ગુલાબ આપો.
પ્રભુનેય પસંદ પ્રસૂનની કોમળતાને સુગંધ,
કરેલી ભૂલોનો એકરાર વદવા ગુલાબ આપો.
મનના વિચારો જે ઘૂઘવતા સાગર સમા હો,
ઉરથી ઉરને નજદીક લાવવા ગુલાબ આપો.
- ચૈતન્ય જોષી. ' દીપક ' પોરબંદર.
