હું સાદ પાડુંને તું જ સાંભળે એવું પણ બને.
સંદેશ મારો તને એમ જ મળે એવું પણ બને.
ન મળીએ રૂબરૂ એથી શું? પ્રતિક્ષા તો ખરી,
મારા મનની બધી દ્વિધા ટળે એવું પણ બને.
સાવ સૂનકાર મારે હૈયે તારી ગેરહાજરીમાં,
વિલંબની વાતે પરસેવો વળે એવું પણ બને.
પર્યાપ્ત છે યાદ તારી જીવનમાં પ્રાણ પૂરતી,
મુલાકાતની મુરાદ કદીયે ફળે એવું પણ બને.
રસ્તો એક જ મારો તારો આવનજાવન તણો,
એકમેકથી ઊભયને કેવું ભળે એવું પણ બને.
ચૈતન્ય જોષી. ' દીપક ' પોરબંદર.
