હોય મારે હરપળ હરિનો સથવારો.
જ્યાં હરિ કહેતા કે તું તો છે અમારો.
પગલે પગલે પ્રભુથી હોય જાણે સંવાદ
પ્રકૃતિનાં તત્વો રખે કરતા હરિનો સાદ.
દીસે હરિયાળીમાં હંમેશ હરિનો નજારો..1
તરી જાઉં ભવસાગર હરિના સહારે,
એને ના કહેવું પડે મારે કદી વારેવારે.
ભાસતો મને મઝધારમાંય સાગર કિનારો..2
વાત અંતરની અબ્ધિનિવાસી વાંચનારા,
વિટંબણાઓ સહેવાને મનોબળ દેનારા.
ધપું અહર્નિશ નામસ્મરણના ઉપચારો...3
- ચૈતન્ય જોષી. " દીપક " પોરબંદર.
