" નજરને નચાવી "
( ગઝલ )
નજરને નચાવી તમે આમ લલચાવશો ના.
થશે ના અસર કોઇ કે રીત અજમાવશો ના.
થશે જેમ અનુભવ તમે એકલા સાવ પડશો;
દગાખોર સૌ થઇ જશે પ્રીત અપનાવશો ના.
બધી લાગણીઓ વહાવીને બેઠો છું હું તો;
મને પ્રેમની વાતમાં કોઇ સમજાવશો ના.
કદી ક્યાંક સાકાર થઇ જાય છે ખ્વાબ પણ જે;
હૃદયમાં ઉમટતી ઇચ્છાઓને દફનાવશો ના.
નક્કી ધ્યેય રાખો હવે પ્રેમ કરવો નથી બસ;
કે Bન્દાસ આ મન કદી ક્યાંય ભટકાવશો ના.
©✍️ " Bન્દાસ "
રાકેશ વી સોલંકી
મહેસાણા
છંદ : મુતકારીબ = લ ગા ગા × ૦૫
