સાત રંગ તારી એક એક અદામાં,
હું તો બસ એ રંગે રંગાઇ રહ્યો...
ભરીદે મને રંગોથી, કે કરી દે બેરંગ,
કોરો કાગળ આ દિલનો,તુજને ધરી રહ્યો...
ગહેરાઇ તારી એક એક વાતમાં,
હું તો બસ એ વહેણમાં વહી રહ્યો ...
કરી દે પાર પતવાર, કે ડૂબાળ મઝધાર,
સુકાન આ નાવનું, લે તારે હાથ સોંપી રહ્યો...
ગજબ ભૂલામણીઓ, તારી અટપટી રાહોમાં,
હું તો બસ, એ ભૂલભૂલૈયામાં ભટકી રહ્યો...
લઇ લે મને આગોશમાં,કે કરી દે લાપતા,
હૈયાની રાહોનું હથિયાર, તુજ ને જ બનાવી રહ્યો...
છે પ્રિત અનોખી, તારી એક એક ધડકનમાં,
હું તો બસ એ સ્પન્દંનમાં, તરબોળ થઇ રહ્યો...
મૂક આ પ્રિતને શિખરે,કે ઊંડી ખીણે ઉતાર,
હું તો બસ આપણી, આ અનોખીપ્રિતને ચાહી રહ્યો...
