"ઉલ્લુ બનાયા ,બડા મજા આયા..."
આજે છે પહેલી એપ્રિલ.ઉલ્લુ બનવાનો અને બનાવવાનો દિવસ.હસવાનો અને હસાવવાનો દિવસ. આમ તો એપ્રિલ મહિનામાં એક પણ તહેવાર આવતો નથી પણ મહિનાની શરૂઆતમાં જ નાની નાની , રમુજી અને મુર્ખતાભરી મસ્તી કરવાથી આખો મહિનો ખુશખુશાલ બની જાય છે. ઘણા લોકો ઉલ્લુ બનાવીને ખુશ થાય છે તો ઘણા લોકોને ઉલ્લુ બનવાની પણ મજા આવતી હોય છે. પળ બે પળની આ મસ્તી આપણી બીઝી લાઈફને હળવી ફુલ બનાવી દે છે.
તમને વિચાર આવતો હશે કે ,એપ્રિલ મહિનામાં લોકોને ઉલ્લુ બનાવવાની શરૂઆત કોણે કરી હશે...??તો જાણવી દઉં કે,આ દિવસની શરૂઆત 1381 માં થઈ હતી.જેમાં ઇંગ્લેન્ડના રાજા રિચર્ડ દ્વિતિય અને રાણી એનીના લગ્નન તારીખ 32 માર્ચ 1381 થશે એવી ઘોષણા કરવામાં આવે છે, જેનાથી કસબાના લોકો ખરેખર મુર્ખ બની જાય છે. આ ઘટના બાદ એક એપ્રિલને મુર્ખ દિવસ તરીકે મનાવવામાં આવે છે. આ કસબાનો ઉલ્લેખ લેખક જેફ્રી ચોસરના 'ધ કેંટરબરી ટેલ્સ' નામના એક પુસ્તકમાં પણ કરવામાં આવ્યો છે.
પહેલી એપ્રિલના દિવસે ઘણી બધી મુર્ખતાભરી ઘટનાઓ બનતી હોય છે.જેને સાંભળીને આપણે આપણી જાતને પેટ પકડીને હસવા માટે રોકી શકતા નથી. ખરેખર, જીવનનો સાચો આનંદ તો આજ છે ને કે, "હસો અને હસાવો. " પેલું કેહવાય ને કે, "હસે એનું ઘર વસે." જો તમારે પણ ઘર વસાવવું હોય તો હસવાનું અને હસાવવાનું ચાલુ કરી દો. મારુ તો માનવું છે કે, માણસની જેમ કયારેક દુઃખોને પણ આમ જ એપ્રિલ ફુલ બનાવી દેવા જોઈએ. ડૉ.રંજન જોશી લખે છે કે, "સુખના કોઈ રંગ નહીં છો 'રંજ' મળે...રંગ ઉડાડી જાતને કહીયે એપ્રિલ ફુલ..."
તો તૈયાર છો ને બધા હસવા અને હસાવવા માટે ?? આ દિવસની મજા પુરેપુરી લઈ લેવી પરંતુ ખાસ ધ્યાન રાખવું કે, આપણી થોડીક વારની મસ્તી- મજા કોઈના માટે સજા ના બનવી જોઈએ. મેં ક્યાંક એક શાયરી વાંચી હતી કે, "ઇસ કદર હમ આપકો ચાહતે હે...કિ દુનિયા વાલે દેખ કે જલ જાતે હે...યું તો હમ સભી કો ઉલ્લૂ બનાતે હે...લેકિન આપ થોડા જલદી બન જાતે હે
છેલ્લે દિલથી કહું તો એક ગીત યાદ આવે છે:
એપ્રિલ ફુલ બનાયા
તો ઉનકો ગુસ્સા આયા
તો મેરા ક્યા કસૂર,
જમાને કા કસૂર,
જિસને દસ્તુર બનાયા
- SHILPA PARMAR "SHILU"
