કોઇની મસ્ત સફરનો સહારો બની જાઇએ;
જીવનનો મન ગમતો ઉતારો બની જાઇએ;
શિયાળાની ઠંડીમાં ઉનાળો બની જાઇએ;
અમૃત રસ સરીખો ઉકાળો બની જાઇએ;
આભને જોતાં ખ્યાલમાં જાગે જે રાતભર,
એમના સારું ખરતો સિતારો બની જાઇએ;
પ્રેમ, દોસ્તી, લાગણીમાં થઈ જાય ગરકાવ,
ચાલ, એવી રીતોના વિચારો બની જાઇએ;
ભવસાગરની મઝધારમાં ચડી ગયો જે ઠેબે,
વહાલથી માથે ચુમતો કિનારો બની જાઇએ;
તડપે જોવા ફક્ત એક ઝલક મહેબૂબની,
એજ સનમનો એક ઇશારો બની જાઇએ;
મિરા સમ કૃષ્ણની ભક્તિમાં એકાકાર થઈને,
"વિએમ" ચાલને, એકતારો બની જાઇએ;
...✍️વિનોદ. મો. સોલંકી "વિએમ"
GETCO Tappar (GEB)
