ગંગાસતી ની વાણી...૧૧
🍂🍂🍂🍂🍂🍂🍂
વીજળીને ચમકારે મોતી પરોવવું
નહિતર અચાનક અંધાર થાશે
જોતજોતામાં દિવસ વયા ગયા પાનબાઈ
એકવીસ હજાર છસોને કાળ ખાશે
વીજળી...
ભાઈ રે !
જાણ્યા જેવી આ તો અજાણ છે પાનબાઈ
આ તો અધુરીયાને નો'કેવાય
આ ગુપ્ત રસનો ખેલ છે અટપટો
આંટી મેલો તો પુરણ સમજાય
વીજળી....
ભાઈ રે !
નિર્મળ થઈને આવો મેદાનમાં પાનબાઈ
જાણી લ્યો જીવનની જાત
સજાતી વિજાતિની જુગતી બતાવું ને
બીબે પાડી દઉં બીજી ભાત
વીજળી...
ભાઈ રે !
પિંડ બ્રહ્માંડથી પર છે ગુરુ પાનબાઈ
તેનો દેખાડું તમને દેશ
ગંગા સતિ એમ બોલિયાં રે
ત્યાં નહિ માયા નો જરીએ લેશ
વીજળી....
🙏🏻🙏🏻🙏🏻🙏🏻🙏🏻🙏🏻🙏🏻
