ચાલો ફરી એક વાર જીવી લઈએ;
ફરી એ બાળપણ જીવી લઈએ;...ચાલો ફરી...
ગામના પાદરના વિશાળ વડની,
વડવાઈ પર ઝુલા ઝુલી લઈએ;
તળાવની પાળ પર દોડતાં દોડતાં,
તળાવ માં ભુસકા મારી લઈએ;...ચાલો ફરી...
ભાડાની સાઈકલ ઉપર ચાલોને,
ડબ્બલ સવારી ગામ ફરી લઈએ;
કાગળની નાની મોટી હોડી બનાવી,
વરસાદના પાણીમાં તેરવી લઈએ;...ચાલો ફરી...
તારું મારું કરતાં કરતાં ચાલોને,
ફરી એ મિઠો ઝગડો કરી લઈએ;
દુનિયાદારી ને મુકી બાજુમાં દોસ્તો,
ફરી એ બાળપણ જીવી લઈએ;...ચાલો ફરી...
