#વિશ્વાસ
કિસ્મત વિશે કઈ ખાસ બહુ હું જાણતો નથી,
મારાથી વિશેષ કદી કોઈને વધુ હું ગણતો નથી,
જાત પર વિશ્વાસ રાખી મંઝીલ પાર કરતો રહું છું,
ભાગ્ય પર ભરોશો રાખીને કદી હું બેસતો નથી.
હાથમાં રહેલી નસીબની રેખાઓ નિહાળી તો નહીં,
મળી રહેશે લખેલું એવી વાતમાં હું માનતો નથી.
મફતની સલાહ,સૂચન વણમાંગ્યા આપ્યા જગતે,
એવી અણગમતી વાત પર કદી ધ્યાન હું દેતો નથી.
નાહકની ચિંતા કરનારા સફરમાં બહું ઝાઝા મળ્યાં,
એવા શુભચિંતકોનું ક્યારે પણ હું ગણકારતો નથી.
મળી છે જિંદગી તો મોજથી જીવી લેનારો માણસ છું,
મારી પીઠ પાછળ બોલનારાથી ક્યારેય હું ડરતો નથી.
ભરોસો મારા આરાધ્ય પર ખુદથી પણ વધારે ધરાવું છું,
બાકી પાખંડ સામે કદી મારા શીશને હું નમાવતો નથી.
-સચિન સોની
⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐
