*'આનંદમ્ પરમ સુખમ્'*
***
એક સાહિત્યપ્રેમી ગ્રુપ દર મહિનાના પહેલા શનિવારે મળે, સાહિત્યની વાતો કરે. પછી એક વિષય નકી કરે અને આવતી બેઠકમાં બધા એ વિષય પર પોતાના વિચારો લખીને લાવે અને રજૂ કરે.
એક વખતની બેઠકમાં _*'માઈક્રોફીક્શન'*_ ની વાત થઈ. અને વિષય નક્કી થયો *'આનંદમ્ પરમ સુખમ્'*
એક મહિનો વીતી ગયો અને સાહિત્યપ્રેમી ગ્રુપની બેઠકમાં બધાએ એક પછી એક પોતાના વિચારો રજૂ કર્યા.
*'આનંદમ્ પરમ સુખમ્'* એટલે?
એક આધેડ ઉંમરના કાકા બોલ્યા,
"ઘરે પહોંચું તો ઓછું જોઈ શકતી મારી વૃદ્ધ માં મારાં પગલાં ઓળખીને કહે.. 'આવી ગયો દીકરા'.. એટલે *'આનંદમ્ પરમ સુખમ્' "*
એક યુવાન બોલ્યો,
" 'કંઈ વાંધો નહિ, બીજી નોકરી મળી જશે', કહેતી પત્નીનો હિંમત આપતો અવાજ એટલે *'આનંદમ્ પરમ સુખમ્' "*
એક પિતાએ કહ્યું,
"કંઈ જ કહ્યા વિના બધું સમજી જતું સંતાન એટલે *'આનંદમ્ પરમ સુખમ્' "*
એક ભાઈએ કહ્યું,
"રોજ ઈશ્વર સમક્ષ કોઈ માગણી વિનાની પ્રાર્થના એટલે *'આનંદમ્ પરમ સુખમ્' "*
એક કાકીએ કહ્યું,
"રોજ જમતી વખતે આ પ્રભુકૃપા જ છે એનો અહેસાસ એટલે *'આનંદમ્ પરમ્ સુખમ્' "*
એક કાકા બોલ્યા,
"વહેલી સવારે મૉર્નિંગ વૉક પર પાછળથી ધબ્બો મારી.. 'અલ્યા રમલા' (રમેશ).. કહી; વર્ષો પછી મળનાર જૂનો મિત્ર એટલે *'આનંદમ્ પરમ્ સુખમ્' "*
એક દાદા બોલ્યા,
"પૌત્રના સ્વરૂપમાં મળી જતો એક નવો મિત્ર એટલે *'આનંદમ્ પરમ્ સુખમ્' "*
બીજા એક કાકાએ કહ્યું,
"સાસરે ગયેલી દીકરીની ખોટ પૂરી દેતી વહુનો મીઠો રણકો એટલે *'આનંદમ્ પરમ્ સુખમ્' "*
એક યુવતી બોલી, "ઓફિસેથી ઘરે પહોંચતાં સાસુમાએ આપેલો પાણીનો ગ્લાસ એટલે *'આનંદમ્ પરમ્ સુખમ્' "*
એક મહિલાએ કહ્યું,
"થાકી ગયાં હોઈએ ત્યારે વહાલથી પતિનું કહેવું કે
'કોઈ એક જ વસ્તુ બનાવ, ચાલશે'.. એટલે *'આનંદમ્ પરમ્ સુખમ્' "*
એક ભાઈએ કહ્યું,
"પથારીમાં પડતાંવેત આંખ ક્યારે મીંચાઈ જાય એ ખબર પણ ન પડે એ *'આનંદમ્ પરમ્ સુખમ્' "*
~~~
આ બધાં *'આનંદમ્ પરમ સુખમ્'* ની વાતોમાં
ક્યાંય
*પૈસા, મોંઘાં વસ્ત્રો કે દાગીના કે અન્ય ચીજો નથી એ ધ્યાનથી જોજો* અને
આવી કેટલીયે
*'આનંદમ્ પરમ સુખમ્'* ની ક્ષણો તમારી પાસે છે એ તપાસી
ઈશ્વરનો આભાર માનજો..
🍁
