અસ્પષ્ટ રહીને થયેલી ચર્ચા અંતે નિષ્ફળતામાં પરિણમે છે. જ્યારે ચર્ચા કોઈ અગત્યનાં મુદ્દા પર થઈ રહી હોય ત્યારે સ્પષ્ટ બાબતો જ હોવી જોઈએ. અસ્પષ્ટ બાબતોથી ક્યારેક ગેરસમજ ઊભી થાય છે જે કામ હોય એનાં કરતાં કંઈક અલગ જ રીતે પૂર્ણ થાય છે જેની કદાચ જરુર ન પણ હોય. અસ્પષ્ટ વાત એટલે અધૂરા જ્ઞાન બરાબર. એ ખબર હોય તો પણ શું અને ન હોય તો પણ શું!
દરેક બાબતમાં અસ્પષ્ટ રહેનાર વ્યક્તિનું જીવન અધૂરું રહી જાય છે, ન તો એ પોતાનાં સપના સાકાર કરી શકે કે ન તો બીજાને કોઈ મદદરૂપ થઈ શકે. એને પોતાને જ ખબર નથી કે એણે શું કરવાનું છે તો બીજાને માટે તો શકય જ નથી કે એ કંઈક કરે.
સ્પષ્ટ બનો, સરળ બનો, ઉપયોગી બનો.
#અસ્પષ્ટ
