#घरटे
काडी काडी गोळा करून
चिमणी तयार करते घरटे
नसतात कोणी मदतीला
बिचारे काम करते एकटे
पिलांच्या सुरक्षिततेसाठी
बनविते सुंदर असे घरटे
छान बिछाना तयार करते
घेऊन अनेक काटेकुटे
दिवसरात्र चालू असते त्यांचा
घरटे बनविण्याचा आटापिटा
लांब लांव काडे येती कामाला
त्यांना वाटते ते घराच्या विटा
प्रत्येकजण घेतो काळजी
जन्माला येणाऱ्या बाळाची
पशु-पक्षी-प्राणी असो कोणी
उत्सुकता नवजात शिशूची
