શૂરવીર ખરો એ છે જે ષડરિપુને નાથે.
શૂરવીર ખરો એ છે રહે સત્ય સંગાથે.

ના ડરે જીવનમાં આવતી આફતો થકી,
શૂરવીર ખરો એ છે કામ કરે નિજ હાથે.

ના કદી સેવે જે નિરાશાને કોઈકાળમાં,
શૂરવીર ખરો એ છે જે મુસીબતોને બાથે.

મન બની મર્કટ માનવમાત્રને પજવતું,
શૂરવીર ખરો એ જે ગતિ મનની નાથે.

ન ચાતરે માર્ગ કદી છો અંતરાય ઝાઝા,
શૂરવીર ખરો એ જે રહે ઈશની સાથે.

ચૈતન્ય જોષી. ' દીપક ' પોરબંદર.


#શૂરવીર

Gujarati Poem by Chaitanya Joshi : 111440388

The best sellers write on Matrubharti, do you?

Start Writing Now