તને વનવનનાં પક્ષીઓ પોકારે આવ રે વરસાદ.
ઝરમર ધારે કે પછી અનરાધારે આવ રે વરસાદ.
ધરતી બની ગઈ છે સૂકી, એનાં જળ ગયાં ડૂકી.
તને મયૂર બોલાવતા ટહૂકારે , આવ રે વરસાદ.
અવનીના ઉરે અગન ઝાઝી, સૂની થઈ વનરાજી.
આજે મીટ માંડી છે કૃષિકારે, આવ રે વસાદ.
નાનાં ભૂલકાંને તરાવવી હોડી,રાહ જોઈ રહી ટોળી.
જગનો તાત આજે તને પોકારે, આવ રે વરસાદ.
ચાતક વિહંગ તને આજે ઝંખે, તૃષાતુર જીવન ડંખે.
જળતંગી સમસ્યા થૈ પડકારે, આવ રે વરસાદ.
ચૈતન્ય જોષી પોરબંદર. ' દીપક "
