માનવતા આચરણમાં મળે તો જીવન રોશનીથી ઝળહળે.
મુસીબત પારસ્પરિક કળે તો જીવન રોશનીથી ઝળહળે.

નથી કેવળ ઇશ મંદિરમાં જ બિરાજતો હરહંમેશને માટે,
કોઈનું દુઃખ આપણાંથી ટળે તો જીવન રોશનીથી ઝળહળે.

જનતામાં જ જનાર્દન વસતો બહુરુપ ધરીને સર્વવ્યાપી ,
પીડિત દેખીને ઉર ખળભળે તો જીવન રોશનીથી ઝળહળે.

સ્નેહસાંકળ બાંધીએ એક પરમ પિતાનાં સહુ સંતાનો,
દીનહીનને લગાડીએ કદી ગળે તો જીવન રોશનીથી ઝળહળે.

' વસુધૈવ કુટુમ્બકમ્ " માનીએ અવની પરના સૌ માનવીને,
સુકૃત જન્મોજન્મના સૌને ફળે તો જીવન રોશનીથી ઝળહળે.

ચૈતન્ય જોષી પોરબંદર. ' દીપક '

Gujarati Quotes by રામાશ્રય જ્યુબીલી : 111154601

The best sellers write on Matrubharti, do you?

Start Writing Now