ક્યારેય કદી પણ ભૂલી શકાતું નથી બાળપણ.
ફરીફરી જીવનમા વળી આવતું નથી બાળપણ.
ભૂલકાં સંગ રમવાની મઝા જ કૈંક ઔર હોય,
પરંતુ કદી વડિલોને સમે સમજાતું નથી બાળપણ.
પળમાં રીસાવુંને પળમાં મનાય જવું સ્વભાવ છે,
એને ખેલકૂદથી અધિક કૈં લાગતું નથી બાળપણ.
અફસોસ આજે છીનવી લેવાય છે એ બાળપણ,
ભણતરના ભારમાં રખેને ગોઠતું નથી બાળપણ.
રમતગમતને ધિંગામસ્તી ના પુનઃ જીવનમાં મળતી,
લાગે છે કે વયસ્કોને પણ ઓળખાતું નથી બાળપણ.
ચૈતન્ય જોષી પોરબંદર. ' દીપક '
