લીમડો ય મહોરી ઉઠે એ જ તો વસંત!
આખરી અણસારો આપે એ જ તો વસંત!
તું નજીક હશે એ એંધાણી આપતી વસંત,
ડાળ ડાળ ઝંકોરી આપે એ જ તો વસંત!
ખિલવું જ રહ્યું ,એ તાકીદી આપતી વસંત,
આખરી સમયે નિખારે એ જ તો વસંત!
તાપ ચૈત્ર તણો, કેરી આંબે મ્હોરતી વસંત,
રાજવી ફળનો લાવી દે એ જ તો વસંત!
ચાહવું મળવું ખીલી ફેલાઈ જવું વસંત,
હોય તું મનડાનાં દ્વારે એ જ તો વસંત!
શિવ ઉત્સવથી માંડી નોમે રામ તે વસંત,
ગૃહસ્થી બનતો જોગીડો એ જ તો વસંત!
--દેવાંગ દવે ©
