संपले हे वर्ष पुन्हा
पुन्हा कधी यायचे
आठवणी गोड कटू
स्मरत मनी रहायचे
स्मरत मनी रहायचे ।

चुकलेले निर्णय ते
पुन्हा कधी न घ्यायचे
सोसले जे दुःख कधी
मनातूनी पुसायचे
मनातूनी पुसायचे ।

गेलेले येतील ना
परत या जगी कधी
आठवणी जागवित
पुन्हा पुन्हा हसायचे
पुन्हा पुन्हा हसायचे ।

करतील जरी द्वेष तुझा
शांतपणे सहायचा
क्षमाशील होऊनिया
आशिर्वाद द्यायचा
आशिर्वाद द्यायचा ।

वर्ष नुतन पातले
स्वागत ही करु पुन्हा
सुख, शांती, समाधान
लाभो तव पुन्हा पुन्हा
लाभो तव पुन्हा पुन्हा ।

Marathi Song by Umakant Deshpande : 111069067
Rajandra Jadhav 8 year ago

चित्ती नाहीआस सरले वरीस !! वेळ आहे गतीमान पुन्हा नाही चानस !!

The best sellers write on Matrubharti, do you?

Start Writing Now