Quotes by Thakor Pushpaben Sorabji in Bitesapp read free

Thakor Pushpaben Sorabji posted an update Gujarati Poem

સ્કંદમાતા (પાંચમુ નોરતું)

સનાતન ધર્મના સેનાપતિ ને
સૂર્ય સમાન તેજસ્વી રે............
ભગવાન કાર્તિકેય(સ્કંદ) ના માતા જો
જેથી આ સ્વરૂપ "સ્કંદમાતા" થી પૂજાય રે....
ચતુર્ભુજ ને સિંહ પર વિરાજમાન માં આપ જો
ખોળામાં બાળ સ્વરૂપ સ્કંદ બિરાજમાન રે......
હસ્તે ધર્યા કમળ પુષ્પ જો
વાત્સલ્ય ને માતૃત્વનું પરમ પ્રતિક રે......
જ્ઞાન વધે,શાંતિ મળે તુંજ ભક્તિથી જો
હેતવાળી, દયાળી તુજ ચરણોમાં
વંદન સ્કંદમાત રે..............
જય સ્કંદમાતા,જય અંબે માં
પાંચમાં નોરતાની શુભકામના:પુષ્પા એસ ઠાકોર

46 Views

1 others like this post.

Thakor Pushpaben Sorabji posted an update Gujarati Poem

2 day ago

ચોથું નોરતું
મંદ મનોહર હાસ્યથી
અંધકારમય બ્રહ્માંડની કરી રચના રે.....
કહેવાઈ તેથી તું "કૂષ્માંડા" માત રે.......
સૂર્ય મંડળના ભીતર
તેજોમય લોકમાં તારો વાસ રે............
અષ્ટભુજધારી વાઘ પર તું અસવાર રે.....
કમંડળ,ધનુષ,બાણ,અમૃતકળશ,ગદા,ચક્ર
ને જપમાળા આપના હાથમાં રે............
તારી ભક્તિથી સુખ,શાંતિને સમૃધ્ધિ વધે રે....
સારું રહે સ્વાસ્થ્ય ને કૃપા વરસે
ભક્ત પર માં તારી રે.......................
જય માં કૂષ્માંડા,જય અંબે માં
ચોથા નોરતાની શુભકામના,પુષ્પા એસ ઠાકોર

67 Views

1 others like this post.

Thakor Pushpaben Sorabji posted an update Gujarati Poem

3 day ago

ત્રીજું નોરતું

સુવર્ણ તેજસ્વી સમાન વર્ણ તારો
વાઘ પર અસવાર રે!..........
કમળ,ધનુષ,બાણ,ખડગ,ગદા
ત્રિશુલ જેવા દિવ્યાસ્ત્ર ધર્યા હસ્તે રે!....
મસ્તકે શોભે અર્ધચંદ્ર જેથી
માં "ચંદ્રાઘંટા" નામથી ઓળખાય રે!.......
શાંત,સૌમ્ય ને કલ્યાણકારી
સ્વરૂપ માં આપનું રે!...........
નિર્ભયતા,સાહસ ને વીરતાનો
સંચાર થાય તારી માં ભક્તિથી રે!.....
નકારાત્મક ઉર્જા,ભય,ક્લેશ ને
પાપનો નાશ થાય ભક્તના જીવનમાંથી
કૃપા રહે ભક્ત પર માં આપની રે!..........
ત્રીજા નોરતાની શુભકામના : પુષ્પા એસ.ઠાકોર
જય માં ચંદ્રઘંટા જય અંબે માં

74 Views

Thakor Pushpaben Sorabji posted an update Gujarati Poem

4 day ago

બીજુ નોરતું

ભગવાન શિવને પતિ રૂપે પ્રાપ્ત કરવા
વર્ષો સુધી કઠોર,નિરાહાર અને
ત્યાગપૂર્ણ તપસ્યા કરી......
શ્વેત વસ્ત્ર ધારણ કરી
હસ્તે જપમાળાને પવિત્ર કમંડળ ધરી
ત્યાગ,સંયમ,સદાચાર ને વૈરાગ્યની
દેવી માં બ્રહ્મચારિણી.......
પૂજા આરાધના થાય માતની બીજા નોરતે
શાંતિ,ધૈર્યને એકાગ્રતા વધે માના આશિષથી...
જય માં બ્રહ્મચારિણી

111 Views

2 others like this post.

Thakor Pushpaben Sorabji posted an update English Poem

5 day ago

106 Views

5 others like this post.

Thakor Pushpaben Sorabji posted an update Gujarati Poem

5 day ago

નવરાત્રી
આવી નવરાત્રીને હૈયા સૌના હરખાય રે
ઘટસ્થાપન ને અખંડ જ્યોત જલાવી
થાય પૂજા અંબે માતની રે.....

નવલા આ નોરતા રમે ભક્તો સૌ ભક્તિમય થાય રે
ભક્તિભાવ પૂર્વક કરે ભક્તો માં તારી આરાધના રે.

કામ,ક્રોધ,લોભ,મોહને અહંકાર જેવા
અસુરોનો કરીએ નાશ રે
થાય આસુરીવૃતિ પર દૈવી શક્તિનો વિજય રે....

નવ સ્વરૂપ માં અંબાના શૈલપુત્રી,
બ્રહ્મચારિણી ને ચંદ્રઘંટા માં કૂષ્ટમાંડા રે
સ્કંદમાતા, કાત્યાયની ને કાલરાત્રી
મમહાગૌરી ને માં સિદ્ધિદાત્રી રે.....

દેજો આશિષ માં ભક્તોને તારા
તારા આશિષથી સૌ પાવન થાય રે
પૂરા કરજો કોડ મનના
રહેજો ભક્તોની સંગાથ રે........
આજથી શરૂ થતી નવરાત્રિની શુભકામના
જય અંબેમાં: પુષ્પા એસ ઠાકોર

105 Views

2 others like this post.

Thakor Pushpaben Sorabji posted an update Gujarati Whatsapp-Status

1 week ago

રંગ જોતા જિંદગીના બધા
રંગાઈ રંગોથી,
નવા રંગ જિંદગીમાં
લાગી જાય છે...

- Thakor Pushpaben Sorabji

51 Views

1 others like this post.

Thakor Pushpaben Sorabji posted an update Gujarati Poem

1 week ago

સંસાર સાગર

મુઠ્ઠી વાળી પકડેલી રેત સરકી જાય છે
પાણીના ઢાળે પાણી વહી જ જાય છે....

સાથે હોય ત્યારે સારા રહેનાર જ
દૂર જતાં દુર્ગુણ કાઢે છે જ.............

બસ આટલી જ ઓળખાણ આપણી કે
સંબંધ ભૂલી તેની અવગણના થાય છે......

જીવન જીવતાં તો સૌને ખામીઓ જ દેખાય છે
મૃત્યુ બાદ સૌને માનવીમાં સારાપણું જ દેખાય છે..

આવે છે મોજા ને કિનારેથી બધું તાણી જાય છે
દૂર થતાં જ સાચા સબંધોની પરખ થાય છે.......

શીદ ને કપટ રચવા પડે ઓ માનવી
પ્રભુ સમક્ષ તો સઘળું પ્રગટ થાય જ છે........

સંસાર કેરી મોહ માયામાં બંધાયા આપણે સૌ
સંસાર સાગરમાં બસ આમ જ સરી જવાય છે....
જય શ્રી કૃષ્ણ પુષ્પા એસ ઠાકોર

26 Views

2 others like this post.

Thakor Pushpaben Sorabji posted an update Gujarati Motivational

1 week ago

અનુભવ
અનુભવ તો રોજ થતા હોય છે પણ થોડી
વાત કરું તો આજે સવારમાં એક બાળક શાળાએ ન જવા માટે રડતું હતું, ત્યાં એક નાનુ બાળક વહેલા ઘર બહાર નીકળવા રડતું હતું.સવારે દાદા પૌત્રને શાળા એ મૂકવા જતાં હતા ત્યાં એક માતા વ્યવસાય કરતી હોઈ બાળકને શાળાએ મૂકી પોતે ઉતાવળમાં દોડતી હતી.
નાના મોટા રેકડીવાળા , દુકાનવાળા સૌ પોતપોતાના ધંધે લાગી ગયા હતા. મહેકતા પુષ્પોને પુષ્પોથી મહેકતી માળાઓ શોભતી હતી ને મંદિરે સૌ ભક્તોની અવર જવર ને મધુર એ ભક્તિભાવભર્યા સૂર મનને ગમતાં હતાં. ઓફિસના સમયે સૌ ભાગદોડમાં હતાં ને વાહનોની લાઇનો લાગી હતી.ઘરેથી નીકળતા જોયું કે એક પિતા નાના સંતાનને તેડી બહાર ખુલ્લી હવામાં ફેરવતાં હતાં,ત્યાં રસ્તા પર જોયુ કે એક પુત્ર એંશી વર્ષના પિતાને એક્ટિવા પર નાના બાળકની જેમ આગળ બેસાડી સવારના
આ માહોલમાં એમને આંટો મરાવતો હતો.
ખરેખર આ દૃશ્ય દિલને સ્પર્શી ગયું એક તરફ બાળપણ કે જ્યાં પિતા બાળકને ફેરવે છે ને બીજુ કે જ્યાં પુત્ર પિતાને ફેરવે છે!...... કેટલુ સુંદર આ દ્રશ્ય કે જે ઘણુ બધું કહી જાય છે.
જય શ્રી કૃષ્ણ: પુષ્પા એસ ઠાકોર