હું રિયાલિટી છોડી,
ફોર્મલિટી માં જીવનારો
માણસ છું...
હું લાગણી ની દુનિયા છોડી,
આંકડાની માયાજાળ માં રાચનાર
માણસ છું...
હું સંબંધમાં સ્વાર્થ શોધનાર,
અને સ્વાર્થમાં જ સંબંધ શોધનાર
માણસ છું...
હું બધા કામ છોડી,
મોબાઈલમાં જ વ્યસ્ત
માણસ છું...
હું સાચા સગપણ ભુલી,
ઓનલાઇન સંબંધ માં જીવનાર
માણસ છું...
હું ખુલ્લા મેદાન વીસરી,
ઓનલાઇન ગેમ રમનાર
માણસ છું...
હું દયા ધર્મ છોડી,
મોજશોખમાં જ ખુશી શોધતો
માણસ છું...
હું સાદગીમાં જ સાર્થકતા છોડી,
વૈભવશાળી જીવનમાં સાર્થકતા શોધતો
માણસ છું...
હું ધંધામાં ભગવાન નો ભાગ છોડી,
ભગવાન ને જ ધંધો બનાવતો
માણસ છું...
હા, હું અગણિત બહાના નો
માણસ છું...!!!
