The Download Link has been successfully sent to your Mobile Number. Please Download the App.
Continue log in with
By clicking Log In, you agree to Matrubharti "Terms of Use" and "Privacy Policy"
Verification
Download App
Get a link to download app
પાવનકારી છે શિવનુ નામ. ભોળાનાથ તમને લાખો પ્રણામ. ભજે દેવ દનુજ, મનુજ તમામ, ભોળાનાથ તમને લાખો પ્રણામ. વૃષભસવારી શિવગંગધારી, શશીની શોભા ભાલમા ન્યારી. વસે હરપળ મુખે રામનુ નામ, ભોળાનાથ તમને લાખો પ્રણામ. ડાક ડમરુના નાદ સંભાળાતા, નૃત્ય શિવસંગ ગણના થાતા. શોભે ઉમિયાજી શિવસંગે વામ, ભોળાનાથ તમને લાખો પ્રણામ. કૈલાસગિરિ સદા પાવનકારી, સદાશિવ કોટે નાગપાશધારી. ભક્તોને શિવભક્તિ સુખધામ, ભોળાનાથ તમને લાખો પ્રણામ. શિવસ્મરણે પાતક જાય ટલી શિવભક્તિ અનાયાસે મલી. રહે શિવદરશનની હૈયે હામ, ભોળાનાથ તમને લાખો પ્રણામ. - ચૈતન્ય જોષી. ' દીપક ' પોરબંદર.
બીજી ઓક્ટોબરે ફોટામાં પરખાતા, પણ એ બાપુ હવે ક્યાંય નથી દેખાતા. ભાષણોમાં વાતવાતે હોય વર્ણવાતા, પણ એ બાપુ હવે ક્યાંય નથી દેખાતા. વૈષ્ણવજનમાં જે હજુએ ગવાતા, રઘુપતિ રાઘવ ધૂનમાં સંભળાતા. ચલણી નોટમાં હૈયાસરખા ચંપાતા, પણ એ બાપુ હવે ક્યાંય નથી દેખાતા. આઝાદીના દાતા મોહન સદા મનાતા, અગિયારવ્રત થકી પણ ઓળખાતા. દેશભક્તિના મૂળમાં જે જઈ સમાતા, પણ એ બાપુ હવે ક્યાંય નથી દેખાતા. આચરણશૂન્યતામાં સૌ લોક અટવાતા, સ્વાર્થની બુનિયાદે રાષ્ટ્રપિતા ભૂલાતા. તકસાધુના મેળામાં પામવાને તરસતા, પણ એ બાપુ હવે ક્યાંય નથી દેખાતા. - ચૈતન્ય જોષી. ' દીપક ' પોરબંદર.
સાહિત્ય સંગે. શબ્દોથી સ્વર્ગ સજાવું, સાહિત્ય સંગે. અર્થોથી ઉરને પુલકાવું, સાહિત્ય સંગે. અંતરની આરઝૂને કવિતામાં કંડારું, શબ્દોથી સારું હું સઘળું આવકારું. જાણે કોઈ ઉત્સવ મનાવું, સાહિત્ય સંગે. મળે હમદર્દી હમસફર બનીને મને, વ્યાપી જાય આનંદ મારા અંગે અંગે. સજ્જનને સ્વજન ગણાવું, સાહિત્ય સંગે. પ્રેરણા એ ઈશની હરપળ મળનારી, વંદુ મા શારદા જે સદાકાળ બક્ષનારી. સામ્રાજ્ય શબ્દોનું સ્વીકારું, સાહિત્ય સંગે. - ચૈતન્ય જોષી. ' દીપક ' પોરબંદર.
[12/9 9:31 AM] Ch@it@ny@ Joshi: ગણપતિ દેવા. આવોને આંગણે આજ ગણપતિ દેવા. રાખોને ભક્તોની લાજ ગણપતિ દેવા. અંતરની આરઝૂથી તમને મનાવું, સેવાપૂજનમાં હેતભાવ હું લાવું. પોકારે તમને અવાજ ગણપતિ દેવા. સિદ્ધિબુદ્ધિના સ્વામી વિનાયક, લાભલક્ષના પિતા ગણનાયક, ભક્તોના દિલમાં છે રાજ ગણપતિ દેવા. પાર્વતીસુત તમે પિતા મહાદેવા, સુરનરમુનિ સહુ કરે નિત સેવા. પૂજે છે માનવસમાજ ગણપતિ દેવા. નૈવેદ્ય સ્વીકારો મોદક ધરાવ્યા, શરણે તમારા ભક્તો સૌ આવ્યા. ભક્તોના તમે સરતાજ ગણપતિ દેવા. - ચૈતન્ય જોષી. ' દીપક ' પોરબંદર. [12/9 9:31 AM] Ch@it@ny@ Joshi: રાગ:- ભૂપાલી
રાધાકૃષ્ણનને યાદ કરી ઉજવી લઈએ પર્વ. વખત એવો આવી ગયો, ના લૈ શકાય ગર્વ. ગરિમા ગુરુ તણી લુપ્ત થવા લાગી કાળક્રમે, શિષ્ય સ્વાર્થસાધક સદા,ઔપચારિકતા ગમે. શિસ્ત દીસે લદાયેલી, પૂજ્યભાવ છે છૂમંતર, હાથતાળી દેતા દેખાય, ના રહ્યું ઉભય અંતર. મતલબ સાધવા થાય ભેળા,ગુરુ અને શિષ્ય, વાસ્તવિકતા છે વલોપાતી, શું હશે રહસ્ય? માપદંડ મેરીટનો સઘળે, કાબેલિયત વિસરાઈ, પ્રમાણપત્ર પામીને જાતને માની બેઠા સવાઈ. પરિવર્તન જરૂરી છે શિક્ષણે એ સ્વીકારવું ઘટે, શિક્ષકદિને રહીએ પ્રાર્થી ક્યારે આ બદી હટે. - ચૈતન્ય જોષી. 'દીપક ' પોરબંદર.
તને કેમ વરસવાનું મન નથી થતું હે વાદળ! તને કેમ ખર્ચવાનું મન નથી થતું હે વાદળ! થાક્યા છે સૌ કરીને પ્રતિક્ષા તારી અવિરત, તને કેમ ગરજવાનું મન નથી થતું હે વાદળ! ધરા પોરબંદરની ઝંખી રહી છે વરસાદને આજે, તને કેમ ચમકવાનું મન નથી થતું હે વાદળ! સૂકા તહેવારો નથી શોભતા ભીંજાવી દે એને, અનરાધારે ખાબકવાનું મન કેમ નથી થતું હે વાદળ! વરસી જા મન મૂકીને હજી પણ સમય છે તારો, તને દઈને હરખવાનું મન કેમ નથી થતું હે વાદળ! ચૈતન્ય જોષી 'દિપક' પોરબંદર.
જેમને આપ્યો પ્રેમ મેં, એણે જ કરી નફરત મને. જેમને મેં મારા માન્યા, એણે જ કરી શરત મને. વાત છે સંતાનની જેને ઉછેરીને મોટા કર્યા અમે, પહોંચે ઠેસ હૃદયને મારા, એણે કીધી હરકત મને. સમય સમયની બલિહારી, કર્મફળ રે ભોગવવાનું, કરીને વાતનું વતેસર કદી, ના મળી એ સંગત મને. હજી તો ગઈકાલે હતાં એ કાલુંઘેલું બોલનારાને, નથી પડી ખબર હજુ પણ, શું હતી એ બાબત મને. હરિ તારા દરબારે કેવળ દેર નહિ પણ અંધેર દેખાતી જીવથી અધિક જાળવ્યાં એ પણ ના લખે ખત મને. - ચૈતન્ય જોષી. 'દીપક 'પોરબંદર.
રાહ જોઈને ઊભો રહું છું ડેલીના બારણે. ક્યાં દિલદાસ્તાન હું કહું છું ડેલીના બારણે. ઉગતો સૂરજ ધીમેધીમે ઢળતો જાય પશ્ચિમ, તોય પ્રતિક્ષાની વેદના સહું છું ડેલીના બારણે. પક્ષીઓ પણ માળા ભણી જવા નીકળ્યાં છે, વાયુવમળમાં આશાથી વહું છું ડેલીના બારણે. ઈપ્સિત આગમન ન થયું આજે પણ કરુણતા, રહીરહીને નિજ ભાગ્યને કોસું છું ડેલીના બારણે. ત્યાં તો ઝબકી એક આશા મનોપટલે નિદ્રાતણી, એય તને સ્વપ્નમાં આવવા આમંત્રું છું ડેલીના બારણે - ચૈતન્ય જોષી. ' દીપક ' પોરબંદર.
હરિવર, નયનથી નયન મિલાવો. હરિવર, શબ્દથી શબ્દ ઉચ્ચારો. ભવોભવની અભિલાષા અમારી, દર્શનની ચાહ પૂરોને માધવમોરારી. હરિવર , સન્મુખ થૈને હરખાવો...1 ઝંખના જગત્પતિની છે નિરંતર, હવે શું અંશઅંશી રાખવું અંતર! હરિવર, સ્મિતવદને તમે પધારો..2 ધન્યઘડીને ધન્ય સમો હરિવર, ભક્ત ઉરમાં તમે વસતા સુંદર. હરિવર, આનંદ ઉત્સવ મનાવો..3 - ચૈતન્ય જોષી. ' દીપક ' પોરબંદર.
પોતાના જેવા બીજાને ગણાવે. કવિને દુનિયાદારી કદી ના ફાવે. છેતરવાનું કોઈને શબ્દકોશે નથી, કોઈ ખીજાય એના પર રોષે નથી. એનું જીવતર એ ભોળા થૈ ચલાવે..1 હિસાબની બાબતે ગણિત કાચું, જેવા સાથે તેવા ન બને એ સાચું. એની વેદનાને બસ કવિતામાં કંડારે..2 મા શારદાની કૃપા વરસતી લાગે, નિતનવા વિચારો મનમાંહી જાગે. ખટપટ, વેર , બદલો ના વર્તનમાં આવે..3 માનવધર્મની વાત કરનાર એ છે, અનુભવ જગતને ધરનાર એ છે. આપણું ગમે એને ના કરે એ મારે- તારે!..4 - ચૈતન્ય જોષી. ' દીપક ' પોરબંદર.
Copyright © 2026, Matrubharti Technologies Pvt. Ltd. All Rights Reserved | Powered by Custom Web Development Company India.
Copyright © 2026, Matrubharti Technologies Pvt. Ltd. All Rights Reserved.
Please enable javascript on your browser
