સ્વેટર, મફલરને ટોપી સાથે રખાવે.
શિયાળો સૌના અંગેઅંગને ધ્રૂજાવે.
ઠંડા પાણી થકી સર્વને એ અકળાવે.
શિયાળો સૌના અંગેઅંગને ધ્રૂજાવે.
મઝા અડદિયાની કેવી એ અપાવે,
ઓળા રોટલા પણ થાળીમાં લાવે.
જલદીથી પ્રભાતે પથારી ના મૂકાવે,
શિયાળો સૌના અંગેઅંગને ધ્રૂજાવે.
આનંદ પતંગોત્સવનો જે અપાવે,
તડકો સૂરજનો તપીતપી ગરમાવે.
કાળઝાળ ગરમી ગ્રીષ્મની ભૂલાવે.
શિયાળો સૌના અંગેઅંગને ધ્રૂજાવે.
વૃદ્ધ વડિલોને ઠંડી સહેજે ઠંગરાવે
તોયે સ્ફૂર્તિ સૌના શરીરમાં સંચારે.
ચોરે ચૌટે કેવાં તાપણાંઓ પ્રગટાવે,
શિયાળો સહુના અંગેઅંગને ધ્રૂજાવે.
- ચૈતન્ય જોષી. " દીપક " પોરબંદર.
