நீயாகிப்போன நான்
நீ விட்டுச் சென்ற
நினைவுகளின் நிழலில்,
இன்னும் நனைந்து கொண்டிருக்கிறது
என் தனிமை...
பேசித் தீர்த்த
ஆயிரம் வார்த்தைகளை விட,
நீ பேசாமல் போன
அந்த ஒற்றை மௌனம் தான்
என்னை ஒவ்வொரு நொடியும் வதைக்கிறது.
உன்னை மறக்க
முயன்ற தருணங்களில் எல்லாம்
நான் தோற்றுத்தான் போகிறேன்;
காரணம்,
என் நினைவுகளில் நீ இல்லை,
உன் நினைவுகளே நானாக மாறிவிட்டேன்.
நீ என்னை எளிதாகக்
கடந்து போன பாதையில்,
நான் உனக்காகவே
இன்னும் உறைந்து நிற்கிறேன்...
காதல் இங்கு தோற்கவில்லை,
உன்னை உயிராக நினைத்த
என் அளவு கடந்த அன்பே
இன்று என்னை மௌனமாய் கொல்கிறது!
