" અભિલાષા મિલનની "
પ્રતીક્ષા સદા તારા આગમનની રહી છે.
લાવશે જે બહાર એ ગુલશનની રહી છે.
રસમની બેડીઓ લાગી પગમાં છતાં,
પ્રશંસા મુખે સદા તારા હુસ્નની રહી છે.
ફક્ત એક ઝલક પર્દાનશીનની દેખવા,
દીવાનગી કાયમ એક દર્પણની રહી છે.
મંદ મંદ લહેરાતા આ સમીરની પણ,
આશ ફક્ત એક ઉડતા દામનની રહી છે.
ભલે ભરાઈ હોય સભા આ દુનિયાની,
નજરને તલાશ તારી અંજુમનની રહી છે.
કહી દઉં રાતને "વ્યોમ", કે એ થંભે જરા,
અભિલાષા મહેબૂબના મિલનની રહી છે.
✍...© વિનોદ. મો. સોલંકી "વ્યોમ"
જેટકો (જીઈબી) અજાર. મુ. રાપર.
