🪴कोथिंबीर वडी
🪴हिरवीगार तजेलदार कोथिंबीर बाजारात येऊ लागली की लगेच कोथिंबीर वडी करावीशी वाटते
पावसाळ्याच्या दिवसात कोथिंबीर मुबलक आणि स्वस्त मिळते
या काळात पाच रुपयाला सुध्दा भली मोठी पेंडी मिळते
🪴साहित्य
अर्धी जुडी कोथिंबीर बारीक चिरून
एक वाटी डाळीचे पीठ
पाव वाटी तांदूळ पीठी
तिखट, हळद, ओवा, बडीशेप, जिरे, तीळ
मीठ चवीनुसार
🪴कृती
कोथिंबीर बारीक चिरुन त्यात तिखट मीठ हळद ओवा , जिरे बडिशेप हे सगळे छान मिसळून घ्यावे
त्यात वाटीभर डाळीचे पीठ आणि पाव वाटी तांदूळ पीठी घालून थोडे थोडे पाणी घालत अलगद गोळा करून घ्यावा
गोळा थोडा घट्ट असावा
फार पाणी वापरू नये
एका थाळीला तेल लावून हा गोळा त्यात थापून घ्यावा
त्यावर तीळ लावुन घ्यावे
थाळी ठोकून सारखी करावी
🪴दहा ते पंधरा मिनीटे कुकरची शिट्टी काढून वाफवून घ्याव्यात
🪴गार झाल्यावर आवडीनुसार वड्या कापाव्या
तव्यावर तेल सोडून दोन्हीकडून खरपुस भाजुन घ्याव्या
🪴मस्त कुरकुरीत वड्या होतात.🪴
